കൊച്ചി: ഓണാഘോഷത്തില് തിരുവാതിരക്കളിയ്ക്ക് ചുവട് വച്ച് എറണാകുളം കലക്ടര്. സ്റ്റാഫ് കൗണ്സിലിന്റെ നേതൃത്വത്തില് നേതൃത്വത്തില് കലക്ടറേറ്റില് സംഘടിപ്പിച്ച പരിപാടിയില് ആണ് കലക്ടര് ജി പ്രിയങ്ക ഐഎഎസ് നേതൃത്വം നല്കിയ തിരുവാതിരകളി അരങ്ങേറിയത്. ചെണ്ടമേളത്തിന്റെ അകമ്പടിയോടെയാണ് ജില്ലാ കലക്ടറെ ജീവനക്കാര് ആഘോഷ പരിപാടിയിലേക്ക് ആനയിച്ചത്. ജില്ലാ കലക്ടറും തിരുവാതിര കളിക്കാന് പങ്കുചേര്ന്നതോടെ ആഘോഷ പരിപാടികള്ക്ക് കൂടുതല് ആവേശമായി.
പരിപാടിയുടെ ഭാഗമായി കലക്ടറേറ്റില് നടന്ന വടംവലി മത്സരത്തിലും ജില്ലാ കലക്ടര് പങ്കെടുത്തിരുന്നു. കലക്ടര് സംഘത്തിന്റെയും തിരുവാതിരകളിക്ക് ജീവനക്കാര് ആര്പ്പുവിളിച്ചും കൈയ്യടിച്ചും പ്രോത്സാഹനം നല്കി. ഓണപ്പാട്ടും ഓണക്കളികളുമായി ജീവനക്കാരും ആഘോഷത്തില് സജീവമായി. ഓണസദ്യയും ഒരുക്കിയിരുന്നു.
