തൃശൂര്: ശ്രീ സി അച്യുത മേനോന് ഗവണ്മെന്റ് കോളജ് മാത്തമാറ്റിക്സ് & ഡാറ്റാ സയന്സ് വിഭാഗം അസോസിയേഷന് ഉദ്ഘാടനവും പ്രായോഗിക ഗണിതത്തിലൂന്നിയുള്ള ഏകദിന സെമിനാറും പ്രശസ്ത നോവലിസ്റ്റ് ടിഡി രാമകൃഷ്ണന് നിര്വഹിച്ചു. ലോകോത്തര ഗണിത സാഹിത്യ രചനകളെപ്പറ്റിയും കേരളീയ ഗണിത സരണിയെ പറ്റിയും അദ്ദേഹം സംസാരിച്ചു.
തുടര്ന്ന് റിയലിസ്റ്റിക് മാത്തമാറ്റിക്സിലെ വിവിധ വിഷയങ്ങള് പോള്സണ് റാഫേല് പരിചയപ്പെടുത്തി.
വൈസ് പ്രിന്സിപ്പല് ഡോ. പി.കെ. വിജയന് അധ്യക്ഷത വഹിച്ച ചടങ്ങില് ഡോ. ഉണ്ണികൃഷ്ണന് തെക്കെപ്പാട്ട്, ഡോ.സോണി ടി. എല്., ഡോ. സ്മിത ആര്, ഡോ. മനു മാധവ്, അഭിരാമി, കോളജ് യൂണിയന് സെക്രട്ടറി അഭിജിത്, അസോസിയേഷന് സെക്രട്ടറി വര്ഷ തുടങ്ങിയവര് സംസാരിച്ചു.
