ചെന്നൈ: ജൂനിയര് ഹോക്കി ലോകകപ്പ് സെമിഫൈനലില് ആതിഥേയരായ ഇന്ത്യ ഇന്ന് ജര്മ്മനിയെ നേരിടും. ചെന്നൈയില് രാത്രി എട്ടിനാണ് മത്സരം. നിലവിലെ ജേതാക്കളാണ് ജര്മ്മനി. പി ആര് ശ്രീജേഷാണ് ഇന്ത്യന് ടീമിന്റെ പരിശീലകന്.
കഴിഞ്ഞദിവസം നടന്ന ക്വാര്ട്ടര് ഫൈനലില് ബെല്ജിയത്തെ പെനാല്റ്റി ഷൂട്ടൗട്ടില് കീഴടക്കിയാണ് ഇന്ത്യ സെമിയില് കടന്നത്. മത്സരം 2-2 ല് കലാശിച്ചതോടെ ടൈബ്രേക്കറിലേക്ക് നീണ്ടു. 4-3 നായിരുന്നു ഇന്ത്യയുടെ വിജയം.
പ്രാഥമിക റൗണ്ടിലെ മൂന്നു വന് വിജയങ്ങളുമായാണ് ഇന്ത്യ ക്വാര്ട്ടര് ഫൈനലിലെത്തിയത്. ഫ്രാന്സിനെയാണ് ജര്മ്മനി ക്വാര്ട്ടറില് തോല്പ്പിച്ചത്. അര്ജന്റീന, നെതര്ലാന്ഡ്സ്, സ്പെയിന്, ന്യൂസിലന്ഡ് എന്നിവയാണ് അവസാന നാലിലെത്തിയത്. ആദ്യ സെമിയില് വൈകീട്ട് സ്പെയിന് അര്ജന്റീനയെ നേരിടും.
