ആറ്റിങ്ങലിൽ തെരുവ് നായകളുടെ കടിയേറ്റ് വിദ്യാർത്ഥികൾക്ക് പരിക്ക്

ആറ്റിങ്ങൽ : ആറ്റിങ്ങലിൽ തെരുവുനായയുടെ കടിയേറ്റ് എഞ്ചിനീയറിങ്, ഐടിഐ വിദ്യാർത്ഥികൾക്ക് പരിക്ക്. ആറ്റിങ്ങൽ കെ എസ് ആർ ടി സി ബസ് സ്റ്റേഷന് സമീപം വൈകുന്നേരമാണ് സംഭവം. ആറ്റിങ്ങൽ ഐ. എച്ച്. ആർ. ഡി എഞ്ചിനീയറിംഗ് കോളേജിലെയും ഐടിഐയിലെയും രണ്ട് വിദ്യാർത്ഥികൾക്ക് ആണ് തെരുവുനായയുടെ ആക്രമണത്തിൽ പരിക്കേറ്റത്. പരിക്കേറ്റ വിദ്യാർത്ഥികളെ ആദ്യം വലിയകുന്ന് താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു