തിരുവനന്തപുരം: തെക്കൻ കേരളത്തില് ഉള്പ്പെടെ ദക്ഷിണേന്ത്യയില് വരും ദിവസങ്ങളില് മഴക്ക് കാരണമായേക്കാവുന്ന ന്യൂനമര്ദം ഇന്ത്യൻ മഹാസമുദ്രത്തിൽ ഇന്ന് ഉച്ചയോടെ രൂപപ്പെട്ടതായി കേന്ദ്ര കാലാവസ്ഥ വകുപ്പ്. ഈ ന്യൂനമര്ദം 18 ഓടെ തെക്കുപടിഞ്ഞാറന് ബംഗാള് ഉള്ക്കടലിലെത്തിയ ശേഷം കൂടുതൽ ശക്തി പ്രാപിക്കും. തമിഴ്നാട്ടിലും തെക്കൻ കേരളത്തിലും 21ന് ഇടിയോടു കൂടെയുള്ള മഴയ്ക്ക് സാധ്യത. ശ്രീലങ്കയില് കനത്ത മഴക്കും പ്രാദേശിക പ്രളയത്തിന് സാധ്യതയുണ്ടെന്നും മുന്നറിയിപ്പ് നൽകിയിട്ടുണ്ട്.
