വർക്കല: പ്രായപൂർത്തിയാകാത്ത മകന് വാഹനം നൽകിയ മാതാവിനെതിരെ കേസ്. വർക്കല ചിലക്കൂർ സ്വദേശിനിയായ 38 വയസ്സുകാരിയായ മാതാവിനെതിരെയാണ് പോലീസ് കേസ് എടുത്തത്. ഇക്കഴിഞ്ഞ ദിവസം വ്യാഴാഴ്ച ഉച്ചയ്ക്ക് 12 മണിക്ക് വർക്കല ടൗണിലൂടെ 15 വയസ്സുകാരൻ അമിതവേഗത്തിൽ ഇരുചക്രവാഹനം ഓടിച്ചു വന്നപ്പോഴാണ് പോലീസിന്റെ പിടിയിലായത്.
പ്രായപൂർത്തിയാകാത്ത കുട്ടിക്ക് അനധികൃതമായി വാഹനത്തിൽ രൂപരേഖകൾ വരുത്തി നമ്പർ പ്ലേറ്റുകൾ പതിപ്പിച്ചിട്ടില്ലാതെയും വാഹനം ഉപയോഗിച്ചതായി കണ്ടെത്തി. തുടർന്ന് മോട്ടോർ വാഹന നിയമപ്രകാരം വിവിധ വകുപ്പുകൾ ചുമത്തി പോലീസ് കേസ് രജിസ്റ്റർ ചെയ്തു പ്രായപൂർത്തിയാകാത്ത കുട്ടികൾക്ക് വാഹനം മാതാപിതാക്കൾ നൽകുന്നത് ഗൗരവമായ നിയമലംഘനം ആണെന്നും വർക്കലയിൽ വരും ദിവസങ്ങളിൽ പോലീസിന്റെ ശക്തമായ പരിശോധന നടത്തുമെന്ന് അറിയിച്ചു.
