ബി ഡി എസ് വിദ്യാര്ത്ഥി നിതിന് രാജിന്റെ മരണത്തിന് ഉത്തരവാദികളായവരെ അറസ്റ്റു ചെയ്യണമെന്നാവശ്യപ്പെട്ട് നാളെ രാവിലെ ആറു മുതല് വൈകിട്ട് ആറു വരെ നടത്തുന്ന ഹര്ത്താലുമായി സഹകരിക്കില്ലെന്ന് കേരള വ്യാപാരി വ്യവസായി ഏകോപന സമിതി സംസ്ഥാന വൈസ് പ്രസിഡന്റ് പി സി ജേക്കബ്ബ് വാര്ത്താക്കുറിപ്പില് അറിയിച്ചു.
കേസിന്റെ അന്വേഷണം ശരിയായ ദിശയിലൂടെയാണ് മുന്നോട്ടു പോകുന്നതെന്നാണ് മനസിലാക്കാന് കഴിഞ്ഞത്. നിതിന് രാജിന്റെ മരണത്തില് പ്രതിസ്ഥാനത്തുളള വ്യക്തിയുടെ മുന്കൂര് ജാമ്യാപേക്ഷ കോടതി തള്ളുകയും ഇയാള്ക്കെതിരെ പോലീസ് അന്വേഷണം ഊര്ജ്ജിതമാക്കുകയും ചെയ്ത സാഹചര്യത്തില് ഹര്ത്താല് നടത്തി ജനങ്ങളെ ബുദ്ധിമുട്ടിപ്പിക്കുന്നതിനോട് യോജിപ്പില്ല.
ഏകോപന സമിതിയില് അംഗങ്ങളായിട്ടുള്ള മുഴുവന് വ്യാപാരികളും പതിവ് പോലെ നാളെയും കടകള് തുറക്കുമെന്നും പി സി ജേക്കബ്ബ് വ്യക്തമാക്കി.
