തിരുവനന്തപുരം: സംസ്ഥാനത്ത് മില്മ പാല് വില വര്ധിപ്പിച്ചു. ഇന്ന് ചേര്ന്ന മില്മ ഡയറക്ടര് ബോര്ഡ് യോഗം ലിറ്ററിന് നാല് രൂപ വര്ധിപ്പിക്കാനാണ് തീരുമാനിച്ചത്. ജൂണ് ഒന്നാം തീയതി മുതല് പുതിയ വില പ്രാബല്യത്തില് വരും.
3.35 രൂപ കര്ഷകന് ലഭിക്കുന്ന രീതിയിലാണ് വില വര്ധനവെന്ന് മില്മ അധികൃതര് പറഞ്ഞു. പാല് ഉല്പ്പന്നങ്ങള്ക്കും വില വര്ധിക്കും. ഇതോടെ സംസ്ഥാനത്ത് ഒരു ലിറ്റര് മില്മ പാലിന്റെ വില 56 രൂപയായി ഉയരും. കഴിഞ്ഞ ഏപ്രിലില് ചേര്ന്ന യോഗത്തില് നിയമസഭാ തെരഞ്ഞെടുപ്പ് ഫല പ്രഖ്യാപനത്തിന് ശേഷം വില വര്ധിപ്പിക്കാനാണ് തീരുമാനിച്ചത്.
