തിരുവനന്തപുരം: സംസ്ഥാനത്ത് സ്ത്രീകള്ക്കായി യുഡിഎഫ് സര്ക്കാര് ആരംഭിച്ച ‘പ്രിയദര്ശിനി സൗജന്യ യാത്രാ’ പദ്ധതി വന് ഹിറ്റ്. പദ്ധതി നടപ്പിലാക്കിയതോടെ കെഎസ്ആര്ടിസി ഓര്ഡിനറി ബസുകളില് യാത്ര ചെയ്യുന്ന സ്ത്രീകളുടെ എണ്ണത്തില് വന് വര്ധനയുണ്ടായതായി കണക്കുകള് വ്യക്തമാക്കുന്നു. മുന് ആഴ്ചകളെ അപേക്ഷിച്ച് ലക്ഷക്കണക്കിന് അധികം വനിതകളാണ് ഒറ്റ ദിവസം കൊണ്ട് യാത്രാസൗകര്യം പ്രയോജനപ്പെടുത്തിയത്.
ഇന്നലെ മാത്രം 13,29,938 സ്ത്രീ യാത്രക്കാരാണ് ഓര്ഡിനറി ബസുകളെ ആശ്രയിച്ചത്. തൊട്ടുമുന്പുള്ള തിങ്കളാഴ്ച ഇത് 7,83,115 ആയിരുന്നു. ഒറ്റദിവസം കൊണ്ട് 5,95,245 വനിതാ യാത്രക്കാരുടെ വര്ധനയാണ് ഉണ്ടായിരിക്കുന്നത്.
സ്ത്രീ ശാക്തീകരണത്തിനും അവരുടെ സുരക്ഷിതമായ യാത്രയ്ക്കും ഈ പദ്ധതി വലിയ തോതില് സഹായിക്കുന്നുണ്ട്. എന്നാല്, ഈ സൗജന്യ യാത്ര ഗതാഗത വകുപ്പിന് വലിയ സാമ്പത്തിക ബാധ്യതയും സൃഷ്ടിക്കുന്നുണ്ട്. കണക്കുകള് പ്രകാരം ഇന്നലെ മാത്രം സീറോ ടിക്കറ്റ് നല്കിയകിലൂടെ 1,59,56,801 രൂപയുടെ വരുമാന നഷ്ടമാണ് ഉണ്ടായിരിക്കുന്നത്.
