ലക്ഷ്മീ വിലാസം ഹൈസ്കൂളിലെ എട്ടാം ക്ലാസ് വിദ്യാർത്ഥിയായ ഋഭു നാരായണൻ മാങ്ക ചിത്രരചനാ ശൈലിയിൽ തയ്യാറാക്കിയ lost smile എന്ന ചിത്ര കഥയുടെ പ്രകാശനം സ്കൂൾ അങ്കണത്തിൽ നടന്നു.
സ്കൂൾ പ്രഥമാധ്യാപിക എൽ ടി അനീഷ് ജ്യോതി, ബ്ലോക്കംഗവും പി ടി എ പ്രസിഡൻ്റും ആയ നയന ഷമീർ എന്നിവർ ചേർന്നാണ് പ്രകാശനം നിർവഹിച്ചത്. പി ടി എ വൈസ് പ്രസിഡൻ്റ് വാവറ അമ്പലം അജി, മാതൃസംഗമം കൺവീനർ സുനിത എ, ഡെപ്യൂട്ടി എച്ച് എം അനീഷ് ആർ ഐ, നല്ല പാഠം കോഡിനേറ്റർമാരായ രാഹുൽ പി, റീബ ആർ, പി ടി എ അംഗങ്ങളായ ശാന്തിലാൽ ആർ എസ്, ഹലീൽ എം, രമ്യ എന്നിവർ പരിപാടിയിൽ പങ്കെടുത്ത് സംസാരിച്ചു.
ലഹരിയുടെ ഉപയോഗം മൂലം വിഷ്ണു എന്ന യുവാവിന് ജീവിതത്തിൽ സംഭവിച്ച ദുരനുഭവങ്ങൾ ആണ് കഥയുടെ ഇതിവൃത്തം. മനോരമ നല്ല പാഠം ക്ലബ് കോഡിനേറ്റർ കൂടിയായ സ്കൂളിലെ അധ്യാപകൻ രാഹുൽ പി തൻ്റെ ക്ലാസിലെ വിദ്യാർത്ഥികളുടെ ഗൃഹസന്ദർശന വേളയിലാണ് വിദ്യാർത്ഥിയുടെ വരയ്ക്കാനുള്ള കഴിവ് തിരിച്ചറിഞ്ഞത്. ചിത്രകാരൻ ഋഭു നാരായണൻ്റെ പിതാവ് ഷാജു പ്രസീദ് കോളേജ് ഓഫ് എഞ്ചിനീയറിംഗ് തിരുവനന്തപുരത്തെ ഇൻസ്ട്രക്ടറും മാതാവ് ഹൈമി കെ എസ് പോലീസ് ട്രൈയിനിംഗ് കോളേജ് തിരുവന്തപുരത്തെ ടൈപ്പിസ്റ്റും ആണ്.
