ആറ്റിങ്ങൽ: ദീർഘകാലം കേരള കൗമുദിയിൽ കടയ്ക്കാവൂർ ലേഖകനായിരുന്ന ഡി. ശിവദാസ് (90) നിര്യാതനായി. അഞ്ചുതെങ്ങ് നെടുങ്ങണ്ടയാണ് സ്വദേശം. രണ്ട് മാസമായി വാർദ്ധക്യ സഹജമായ അവശതയിലായിരുന്നു. അതിനു തൊട്ടുമുമ്പുവരെയും വാർത്തകൾ ചെയ്യുമായിരുന്നു
പ്രായപൂർത്തിയായതു മുതൽ കേരള കൗമുദി പത്രത്തിൻ്റെ ഏജൻസിയും കൈകാര്യം ചെയ്തിരുന്നു. ഒപ്പം വാർത്തകളും പരസ്യവും ശ്രദ്ധേയമായ വിധം പത്രത്തിൽ കൊടുത്തിരുന്നു. ഇരുപത് വർഷത്തോളമായി അദ്ദേഹം കേരളകൗമുദി കടയ്ക്കാവൂർ ബ്യൂറോ ഓഫീസിൽ പ്രവർത്തനം തുടങ്ങിയിട്ട്. ഇതോടൊപ്പം കുമാരനാശാൻ സ്മാരകത്തിൻ്റെയും വിവിധ സാംസ്കാരിക സംഘടനകളുടെയും പ്രവർത്തനങ്ങളിൽ സഹകരിച്ചിരുന്നു.
ഭാര്യ: രത്നമ്മ.
മക്കൾ: പരേതയായ അനിത, അജിത (നിലയ്ക്കാമുക്ക് ഏജന്റ്), അജികുമാർ (ഷാർജ), അർച്ചന.
മരുമക്കൾ: ശിവകുമാർ, സുരേഷ് ബാബു (കായിക്കര ഏജന്റ്), മണി, അഭില.
