അന്തരിച്ച മുതിർന്ന മാധ്യമപ്രവർത്തകൻ ഡി ശിവദാസൻ, അനുസ്മരണയോഗം സംഘടിപ്പിച്ചു. കായിക്കര ആശാൻസ്മാരക ഓപ്പൺ ഓഡിറ്റോറിയത്തിൽ സംഘടിപ്പിച്ച പരിപാടിയുടെ ഉദ്ഘാടനം പൊതുപ്രവർത്തകനും സാംസ്കാരിക പ്രവർത്തകനുമായ വക്കം സുകുമാരൻ നിർവ്വഹിച്ചു.
യോഗത്തിൽ, നാടക കഥാകൃത്തും സംവിധായകനുമായ കടയ്ക്കാവൂർ അജയബോസ്, ആശാൻസ്മാരക അസോസിയേഷൻ ഭാരവാഹി ജെയിൻ വക്കം, സിപിഎം അഞ്ചുതെങ്ങ് ലോക്കൽ കമ്മറ്റി സെക്രട്ടറി എസ് പ്രവീൺചന്ദ്ര, ഇന്ത്യൻ നാഷണൽ കോൺഗ്രസ് അഞ്ചുതെങ്ങ് മണ്ഡലം കമ്മറ്റി പ്രസിഡന്റ് ഷെറിൻജോൺ, ബിജെപി അഞ്ചുതെങ്ങ് പഞ്ചായത്ത് കമ്മറ്റി പ്രസിഡന്റ് അഞ്ചുതെങ്ങ് സജൻ തുടങ്ങിയവർ അദ്ദേഹത്തെ അനുസ്മരിച്ചു. ജഗത്ത് കായിക്കര നന്ദി പറഞ്ഞു.
