ആറ്റിങ്ങൽ: കേരള കർഷക തൊഴിലാളി യൂണിയൻ ആറ്റിങ്ങൽ മുനിസിപ്പൽ തല കമ്മിറ്റിയുടെ ആഭിമുഖ്യത്തിൽ യു.ഡി.എഫ് സർക്കാർ സാമൂഹ്യ ക്ഷേമ പെൻഷൻ പദ്ധതി അട്ടിമറിക്കുന്നതിനെതിരെ ആറ്റിങ്ങൽ താലൂക്ക് ഓഫീസിലേക്ക് നടത്തിയ മാർച്ചും ധർണയും മുനിസിപ്പൽ ചെയർമാൻ എം പ്രദീപ് ഉദ്ഘാടനം ചെയ്തു.
സ്വാഗതസംഘം ചെയർമാനും സി.ഐ.റ്റി.യു ആറ്റിങ്ങൽ ഏരിയാ പ്രസിഡൻ്റ് എം മുരളീധരൻ അധ്യക്ഷത വഹിച്ചു. കർഷകസംഘം ആറ്റിങ്ങൽ ഏരിയാ സെക്രട്ടറി സി ദേവരാജൻ, കർഷക തൊഴിലാളി വെസ്റ്റ് വില്ലേജ് സെക്രട്ടറി എസ് സതീഷ് കുമാർ, ഈസ്റ്റ് വില്ലേജ് സെക്രട്ടറി എം സതീഷ് ശർമ്മ, സി.ഐ.ടി.യു നേതാവ് സി.ജെ രാജേഷ് കുമാർ, കർഷക സംഘം ഈസ്റ്റ് വില്ലേജ് സെക്രട്ടറി കെ രാധാകൃഷ്ണകുറുപ്പ് എന്നിവർ സംസാരിച്ചു.
