റേഷന്‍കാര്‍ഡുകള്‍ എ.ടി.എം കാര്‍ഡിന്റെ രൂപത്തില്‍ ഇനി എത്തും. അക്ഷയ കേന്ദ്രം വഴിയാണ് പുതിയ റേഷന്‍ കാര്‍ഡുകള്‍ ലഭിക്കുക, സര്‍ക്കാരിലേക്ക് ഇതിനു ഫീസ് അടക്കേണ്ടെന്നും ഉത്തരവില്‍ പറയുന്നു.
നിലവില്‍ ബുക്ക് രൂപത്തിലാണ് റേഷന്‍ കാര്‍ഡുകള്‍. ഇതാണ് ഇനി കാര്‍ഡ് രൂപത്തിലേക്ക് ആകുന്നത്. എ.ടി.എം കാര്‍ഡിന്റെ വലിപ്പത്തിലുള്ള റേഷന്‍ കാര്‍ഡുകള്‍ നല്‍കാന്‍ പൊതുവിതരണ ഡയറക്ടര്‍ സര്‍ക്കാരിന് ശുപാര്‍ശ നല്‍കിയിരുന്നു. ഇത് പരിഗണിച്ചുകൊണ്ടാണ് സര്‍ക്കാര്‍ പുതിയ തീരുമാനം കൈക്കൊണ്ടത്. ഈ കാര്‍ഡുകള്‍ ആവശ്യമുള്ളവര്‍ക്ക് അക്ഷയ കേന്ദ്രങ്ങള്‍ വഴിയോ സിറ്റിസണ്‍ കേന്ദ്രങ്ങള്‍ വഴിയോ ലഭ്യമാകും.
