കൊല്ലം: രണ്ടു വയസ്സും 9 മാസവും പ്രായമുള്ള നക്ഷ.വി.എസ് ഇന്ത്യ ബുക്ക് ഓഫ് റെക്കോർഡ്സിൽ ഇടം നേടി. 20 ശരീരഭാഗങ്ങൾ , 9 വാഹനങ്ങൾ, 13 പച്ചക്കറികൾ, 8 നിറങ്ങൾ, 5 പക്ഷികൾ, 10 പ്രാണികൾ, 8 വസ്ത്രങ്ങൾ, 10 കാർട്ടൂൺ കഥാപാത്രങ്ങൾ, 18 ആഹാര സാധനങ്ങൾ, 6 ആഭരണങ്ങൾ, 54 ഗൃഹോപയോഗ സാധനങ്ങൾ എന്നിവ തിരിച്ചറിയുകയും ഇംഗ്ലീഷ് അക്ഷരമാലയും അതിനോട് അനുബന്ധിച്ച വാക്കുകളും പറയുകയും, 14 മലയാളം വാക്കുകളെ ഇംഗ്ലീഷിലേക്ക് പരിവർത്തനം ചെയ്യുകയും, 5 കവിതകൾ ആലപിക്കുകയും, 1 മുതൽ 10 വരെ ഇംഗ്ലീഷിലും മലയാളത്തിലും എണ്ണുകയും, 15 പൊതുവിജ്ഞാന ചോദ്യങ്ങൾക്ക് ഉത്തരം നൽകുകയും ചെയ്താണ് നക്ഷ റെക്കോർഡ് കരസ്തമാക്കിയത്. വിഷ്ണു.ബിയുടെയും ശരണ്യ.വി.എസിന്റെയും മകളാണ് നക്ഷ. 2022 ജനുവരി 22 നായിരുന്നു ഔപചാരികമായി റെക്കോർഡ് അംഗീകരിച്ചത്.
