തിരുവമ്പാടി: ചേപ്പിലംതോട് പുല്ലപ്പള്ളിയില് 12-കാരനുനേരെ കാട്ടുപന്നിയുടെ ആക്രമം. പുല്ലപ്പള്ളിയില് ഷനൂപിന്റെ മകന് അദിനാന് ഗുരുതര പരിക്കേറ്റെന്നാണ് വിവരം. ശനിയാഴ്ച രാവിലെ 9.15-ഓടെയാണ് സംഭവം. സൈക്കിളില് സഞ്ചരിക്കവെ ആയിരുന്നു ആക്രമണം. കുട്ടിയെ ആക്രമിച്ചശേഷം സമീപത്ത വീട്ടുവളപ്പിലേക്ക് കയറിയ കാട്ടുപന്നിയെ പിന്നീട് വനം വകുപ്പിന്റെ എം പാനല് ഷൂട്ടര് എത്തി വെടിവെച്ചു കൊന്നു.വീട്ടുവളപ്പിലേക്ക് കയറിയതിനാല് വിവരമറിഞ്ഞെത്തിയ വനം വകുപ്പ് ഉദ്യോഗസ്ഥര്ക്ക് പെട്ടെന്ന് വെടിവെച്ച് കൊല്ലാനായി. കഴിഞ്ഞ ദിവസമാണ് കാട്ടുപന്നിയെ വെടിവെക്കാന് നിര്ദ്ദേശം നല്കാനുള്ള അധികാരം തദ്ദേശ സ്വയംഭരണ സ്ഥാപനങ്ങള്ക്ക് നല്കി സര്ക്കാര് ഉത്തരവുണ്ടായത്. ആക്രമത്തില് സാരമായ പരിക്കേറ്റ കുട്ടിയെ സമീപത്തെ സ്വകാര്യ ആശുപത്രിയില് പ്രവേശിപ്പിച്ചു. രണ്ട് കാലിനും പരിക്കേറ്റിട്ടുണ്ട്.
