കാട്ടാക്കട: രാത്രിയില് കാറുകള് കൂട്ടിയിടിച്ച് കുട്ടികള് ഉള്പ്പെടെ 9 പേര്ക്ക് പരിക്ക്. കാട്ടാക്കട-തിരുവനന്തപുരം റോഡില് കിള്ളി ടേസ്റ്റി ഹോട്ടലിനു സമീപം ഞായറാഴ്ച രാത്രി എട്ടരയോടെയാണ് അപകടം. നെയ്യാര്ഡാം മരക്കുന്നം സ്വദേശി രഞ്ചിത്ത്(30) ഭാര്യ ധന്യ (30) മക്കള് വിജേന്ദ്ര (4), തക്ഷണവി (3), പേരൂര്ക്കട സ്വദേശി അരുണ് ഉള്പ്പെടെയുള്ള 5 പേര്ക്കുമാണ് പരിക്ക്. അരുണിന്റെ മകന് ആറുമാസം പ്രയമുള്ള ആരോമലിന് ഗുരുതര പരിക്കേറ്റതിനെ തുടര്ന്ന് തീവ്രപരിചരണവിഭാഗത്തില് ചികിത്സയിലാണ്. കാട്ടാക്കട ഭാഗത്തേയ്ക്കവരുകയായിരുന്ന കാര് എതിരെ വന്ന ആള്ട്ടോ കാറുമായി കൂട്ടയിടിച്ചായിരുന്നു അപകടം. കാറുകള് തമ്മിലിടിച്ചതും തുടര്ന്ന് എയര് ബാഗ് പൊട്ടിയ ശബ്ദവും കേട്ട് കടകളിലുണ്ടായിരുന്നവരും നാട്ടുകാരും അപകട സ്ഥലത്തേയ്ക്ക് ഇറങ്ങി രക്ഷാ പ്രവര്ത്തനം നടത്തിയതിനാല് കാറിനുള്ളില് ഉണ്ടായിരുന്നവരെ പുറത്തെടുക്കാനും ആശുപത്രിയിലെത്തിക്കാനും കഴിഞ്ഞു. അപകടത്തില് പരിക്കേറ്റ് കാറിലുള്ളിലായിരുന്നവരെ ഏറെ ബുദ്ധിമുട്ടിയാണ് പുറത്തെടുത്തത്.
പരിക്കേറ്റവരെ നാട്ടുകാര് ഉടന് തന്നെ നെയ്യാര് മെഡിസിറ്റില് പ്രവേശിപ്പിച്ചു. അപകടത്തെ തുടര്ന്ന് കാട്ടാക്കട-തിരുവനന്തപുരം റോഡില് ഏറെ നേരം ഗതാഗതവും തടസപ്പെട്ടു. ഒടുവില് പൊലീസെത്തി കാറുകള് മാറ്റിയതോടെയാണ് ഗതാഗത തടസം മാറിയത്. അകടത്തില്പ്പെട്ട വാഹനങ്ങളുടെ മുന്വശം പൂര്ണ്ണമായും തകര്ന്നു. പേരൂർക്കട അമ്പലമുക്ക് സ്വദേശികൾ ആയ അഞ്ചു പേർ ആൾട്ടോ ഡ്രൈവർ അരുൺജയ് (36) അരുണിമ (31) സഹോദരി പുത്രി അനന്യ (9)ആരോൺ 6മാസം അരുണിന്റെ മാതാവ് വനജ (58) ആഹാന (2) വിവാഹചടങ്ങിൽ പോയി തിരികെ പോകുമ്പോൾ ആണ് കിള്ളിയിൽ വച്ച് സ്വിഫ്റ്റ് കാറുമായി കൂട്ടിയിടിച്ചത് സ്വിഫ്റ്റ് ഉണ്ടായിരുന്നവർ നെയ്യാർഡാം അഞ്ചുമരംകാല സ്വാദേശികൾ ആയ വിജീന്ദ്രൻ (32) രഞ്ജിത്ത് (31)ധന്യ (28)തഷ് വി 9 മാസം, നൈറ (10 മാസം) ആരുടെയും നില ഗുരുതരമല്ല.
