ആറ്റിങ്ങൽ: സ്വകാര്യ ബസ് യാത്രക്കാരുമായി നിയന്ത്രണം വിട്ട് തെങ്ങിൽ ഇടിച്ചു നിന്നു. മേലാറ്റിങ്ങൽ പേരാണം ക്ഷേത്രത്തിന് സമീപം വൈകുന്നേരം 4.30ന് ആണ് അപകടം. അറ്റിങ്ങലിലേക്ക് യാത്രക്കാരുമായി വരികയായിരുന്ന ബസ് എതിർ ദിശയിൽ നിന്നും വന്ന കാറിൽ ഇടിക്കാതിരിയ്ക്കാൻ വെട്ടിച്ചപ്പോൾ നിയന്ത്രണം വിട്ട് മതിലിലും തെങ്ങിലും ഇടിച്ചു നിൽക്കുകയായിരുന്നു. അപകട സമയത്ത് ബസിൽ മുപ്പതോളം യാത്രക്കാർ ഉണ്ടായിരുന്നു. നിരവധി പേർക്ക് പരിക്കേറ്റു. നിസാര പരുക്കുകൾ മാത്രമേ ഉണ്ടായിട്ടുള്ളൂ. യാത്രക്കാർ വൻ ദുരന്തത്തിൽ നിന്നുമാണ് രക്ഷപെട്ടത്.
