മടത്തറയിൽ വൻ വാഹനാപകടം. നിരവധി പേർക്ക് പരിക്ക്. പലരുടെയും പരിക്ക് ഗുരുതരമാണ്. ഇന്ന് രാത്രി ഏഴരയോടെയായിരുന്നു സംഭവം. മടത്തറയിൽ നിന്നും കുളത്തൂപ്പുഴയിലേക്ക് പോയ KSRTC ബസ്സും എതിരെ വന്ന ടൂറിസ്റ്റ് ബസ്സുമാണ് മടത്തറ ക്രിസ്റ്റ്യൻ പള്ളിക്കു സമീപം എസ് വളവുള്ള ഭാഗത്ത് വച്ച് കൂട്ടിയിടിച്ചത്. 25 ൽ ഏറെ പേർക്ക് പരിക്കെന്നാണ് റിപ്പോർട്ട്. രണ്ടു വാഹനങ്ങളിലെയും ഡ്രൈവർമാർ ഉൾപ്പെടെ പലരുടെയും പരിക്കുകൾ ഗുരുതരമാണ്. നാട്ടുകാരും, പോലീസും , ഫയർഫോഴ്സും കൂട്ടായി ശ്രമിച്ചാണ് രക്ഷാപ്രവർത്തനം നടത്തിയത്. രണ്ടു ബസ്സുകളും ഇടിയുടെ ആഘാതത്തിൽ സമീപത്തെ പുരയിടത്തിലേക്ക് പതിച്ചു.