ടിപ്പർ ലോറിയുടെ അടിയിൽപ്പെട്ട് വീട്ടമ്മയ്ക്ക് ദാരുണാന്ത്യം

നെടുമങ്ങാട് വാളിക്കോട് – നെട്ടയിൽ ടിപ്പർ ലോറിയുടെ അടിയിൽപ്പെട്ട് വീട്ടമ്മ മരിച്ചു.
നെട്ട സ്വദേശിനി ജീനയാണ് മരിച്ചത്. നവജീവൻ സ്കൂൾ ടീച്ചറാണ്. ഭർത്താവ് ഷാജിക്ക് പരുക്ക് പറ്റിയിട്ടുണ്ട്. ഭാര്യയും ഭർത്താവും നെടുമങ്ങാട് വരുകയായിരുന്നു. വാളിക്കോട് നിന്നും നെട്ടയിൽ വന്ന ടിപ്പർ ലോറിയുടെ സൈഡിൽ ബുള്ളറ്റ് തട്ടിയെന്നാണ് പറയുന്നത്. ടിപ്പറിന്റെ ടയറിനടിയിൽ ജീന വീഴുകയായിരുന്നു. നെടുമങ്ങാട് പോലീസ് കേസെടുത്തു.