അവനവഞ്ചേരിയിൽ സ്വകാര്യ ബസും കെ എസ് ആർ ടി സിയും കൂട്ടിയിടിച്ച് അപകടം

ആറ്റിങ്ങൽ: ആറ്റിങ്ങലിലേയ്ക് വരുകയായിരുന്ന സ്വകാര്യ ബസിനു പുറകെ കെ എസ് ആർ ടി സി ബസ് വന്നിടിച്ച് അപകടം. അവനവഞ്ചേരി പോയിന്റുമുക്കിൽ ഇന്ന് രാവിലെ 10 മണിയോടെ ആയിരുന്നു സംഭവം. ഇടിയുടെ ആഘാതത്തിൽ ഇരു ബസുകളുടെയും ചില്ലുകൾ തകരുകയും കേടുപാടുകൾ സംഭവിക്കുകയും ചെയ്തു. അദ്ഭുതകരമായാണ് യാത്രക്കാർ രക്ഷപെട്ടതെന്ന് ദൃസാക്ഷികൾ പറയുന്നു. കെ എസ് ആർ ടി സി ബസിനു ബ്രേക്ക് ഇല്ലാത്തതാണ് അപകടകാരണമെന്നു നാട്ടുകാർ ആരോപിയ്ക്കുന്നു. അപകടത്തെ തുടർന്ന് ഈ ഭാഗത്ത് ഗതാഗതം തടസ്സപ്പെട്ടു.