ആലംകോട് തൊപ്പി ചന്തയ്ക്ക് സമീപത്ത് നിർത്തിയിട്ടിരുന്ന സ്വകാര്യ ബസിന്റെ പിന്നിൽ കാർ ഇടിച്ചു കയറ്റി. ഇന്ന് രാവിലെ 11 മണിയോടെയായിരുന്നു സംഭവം. വർക്കലയിൽ നിന്നും ആറ്റിങ്ങലിലേക്ക് പോവുകയായിരുന്ന സ്വകാര്യ ബസ്സാണ് ആലംകോടിന് സമീപത്തുള്ള തൊപ്പി ചന്ത ജംഗ്ഷനിൽ ബസ്റ്റോപ്പിൽ നിർത്തി യാത്രക്കാരെ ഇറക്കുന്നതിനിടയിലാണ് അമിത വേഗതയിൽ വന്ന കാർ ബസ്സിന്റെ പിന്നിൽ ഇടിച്ചു കയറ്റിയത് കാറിന്റെ മുൻവശം ഭാഗികമായി തകർന്നു. കാറിനുള്ളിൽ 4 യുവാക്കൾ ഉണ്ടായിരുന്നു യുവാക്കളെ ഗുരുതര പരിക്കുകളോടെ തിരുവനന്തപുരം മെഡിക്കൽ കോളേജിലേക്ക് മാറ്റി.
