പോഷന്‍ ട്രാക്കറിനെതിരെ അം​ഗന്‍വാടി ജീവനക്കാര്‍ അഡീഷണല്‍ പ്രോജക്ടിന് മുന്നില്‍ ധര്‍ണ സംഘടിപ്പിച്ചു

കിളിമാനൂർ: പോഷൻ ട്രാക്കറുകൾക്കെതിരെ ഐസിഡിഎസ് നാവായിക്കുളം അഡീഷണൽ പ്രോജക്ടിന് മുന്നിൽ അം​ഗൻവാടി വർക്കേഴ്സ് ആന്റ് ഹെൽപ്പേഴ്സ് അസോസിയേഷൻ (സിഐടിയു) നേതൃത്വത്തിൽ ധർണ സംഘടിപ്പിച്ചു. ധർണ സിഐടിയു സംസ്ഥാന കമ്മറ്റിയം​ഗം ജി രാജു ഉദ്ഘാടനം ചെയ്തു. രമേശൻ, ബിന്ദു രമേശൻ, സരിത, ഷീബ എന്നിവർ സംസാരിച്ചു. ധർണ്ണയ്ക്ക് ശേഷം നേതാക്കൾ ഐസിഡിഎസ് സൂപ്പർവൈസർക്ക് നിവേദനം നൽകി.