ആറ്റിങ്ങൽ ഗവൺമെന്റ് പോളിടെക്നിക്കിൽ ലഹരി വിരുദ്ധ ക്യാമ്പയിന്റെ ഭാഗമായി ജാഗ്രത സദസ്സ് സംഘടിപ്പിച്ചു

ലഹരി വിരുദ്ധ ക്യാമ്പയിന്റെ ഭാഗമായി എഫ് എസ് ഇ ടി ഒ ചിറയിൻകീഴ് താലൂക്ക് കമ്മിറ്റിയുടെ നേതൃത്വത്തിൽ ആറ്റിങ്ങൽ ഗവൺമെന്റ് പോളിടെക്നിക്കിൽ വച്ച് നടന്ന ജാഗ്രത സദസ്സ് ആറ്റിങ്ങൽ എം.എൽ. എ ഒ.എസ് അംബിക ഉദ്ഘാടനം ചെയ്തു. പോളിടെക്നിക്ക് പ്രിൻസിപ്പൽ ഷാജിൽ. എ ലഹരി വിരുദ്ധ സന്ദേശം നൽകി. ആറ്റിങ്ങൽ താലൂക്ക് ആശൂപത്രി സൂപ്രണ്ട് ഡോ. പ്രീത സോമൻ ലഹരി വിരുദ്ധ പ്രതിജ്ഞ ചൊല്ലി. സോഷ്യൽ വർക്കറും കൗൺസിലറുമായ ആര്യപ്രഭ ബോധവൽക്കരണ ക്ലാസെടുത്തു. എഫ് എസ് ഇ ടി ഒ താലൂക്ക് സെക്രട്ടറി എം രാജേഷ് അദ്ധ്യക്ഷത വഹിച്ച യോഗത്തിൽ എൻ.ജി.ഒ യൂണിയൻ നോർത്ത് ജില്ലാ സെക്രട്ടറിയേറ്റ് അംഗം സി.വി.ഹരിലാൽ, കെ.ജി.ഒ.എ.ഏര്യാ ട്രഷറർ ജയറാം, യു. അനു, ആർ. ഷിബു എന്നിവർ പങ്കെടുത്തു.