കല്ലമ്പലം: പുതുശ്ശേരി മുക്കിൽ കേന്ദ്ര ഗവൺമെൻറ് നിരോധിച്ച പോപ്പുലർ ഫ്രണ്ട് ഓഫ് ഇന്ത്യയ്ക്ക് അനുകൂല മുദ്രാവാക്യം വിളിച്ച സംഭവത്തിൽ രണ്ടുപേർ കൂടി അറസ്റ്റിൽ. ഏരിയ പ്രസിഡൻറ് നസീം, സംഘടനയുടെ പ്രവർത്തകൻ അബ്ദുൽ സലീം എന്നിവർ ആണ് അറസ്റ്റിലായത്. ഇതിൽ പങ്കെടുത്ത 9 പേരുടെ പേരും വിലാസവും അന്വേഷണത്തിൽ തിരിച്ചറിഞ്ഞിട്ടുള്ളതും മറ്റ് അഞ്ചുപേരെ പല ദിവസങ്ങളായി അറസ്റ്റ് ചെയ്തു റിമാൻഡ് ചെയ്തിരുന്നതുമാണ്. ഇതിലേക്ക് ഇനിയും അറസ്റ്റ് ചെയ്യാൻ ഉണ്ടായിരുന്ന പനവിള നാസി, നസീർ പാവല്ല എന്നീ രണ്ടുപേരെ അറസ്റ്റ് ചെയ്തു കോടതിയിൽ ഹാജരാക്കി റിമാൻഡ് ചെയ്തിട്ടുള്ളതാണ്. തിരുവനന്തപുരം റൂറൽ എസ് പി ശില്പ ദേവയ്യയുടെ നിർദ്ദേശപ്രകാരം വർക്കല ഡിവൈഎസ്പി നിയാസ്. പി, എസ് ഐ ഗോപകുമാർ, പോലീസ് ഉദ്യോഗസ്ഥരായ കണ്ണപ്പൻപിള്ള, വിനോദ് എന്നിവരാണ് പ്രതികളെ അറസ്റ്റ് ചെയ്തത്.
