ആറ്റിങ്ങൽ: ആറ്റിങ്ങൽ നഗരസഭ ജനകീയാസൂത്രണം പദ്ധതിയിലൂടെ കാർഷിക വികസനരംഗത്ത് പട്ടണത്തിൽ നടപ്പിലാക്കിയ നിരവധി സംരഭങ്ങളാണ് പൂർണതയിലെത്തി നിൽക്കുന്നത്. ഇതിന്റെ ഭാഗമായി നഗരസഭാ കൃഷിഭവനിലൂടെ കുറ്റി കുരുമുളക് തൈ വിതരണം, കുടുംബശ്രീ പ്രവർത്തകർക്കും അംഗങ്ങളല്ലാത്ത വനിതകൾക്കുമുള്ള പച്ചക്കറി തൈ വിതരണം എന്നിവ സംഘടിപ്പിക്കുന്നു.
അത്യുൽപ്പാദന ശേഷിയുള്ളതും വർഷം മുഴുവൻ നല്ല വിളവ് നൽകുന്നതും ചെടിച്ചട്ടികളിൽ നട്ടു വളർത്താവുന്നതുമായ തരത്തിലുള്ള തൈകാളാണ് വിതരണത്തിന് തയ്യാറാക്കിയിട്ടുള്ളത്. ഇതിന്റ നഗരസഭാ തല ഉദ്ഘാടനം നവംബർ 23 ചൊവ്വാഴ്ച രാവിലെ 10 മണിക്ക് നഗരസഭാങ്കണത്തിൽ വച്ച് ചെയർപേഴ്സൺ അഡ്വ.എസ്. കുമാരി നിർവ്വഹിക്കും. ജനകീയാസൂത്രണം പദ്ധതി പ്രകാരം അപേക്ഷ നൽകിയിട്ടുള്ളവർ വാർഡ് കൗൺസിലറുമായി ബന്ധപ്പെട്ട് തൈകൾ കൈപ്പറ്റേണ്ടതാണെന്ന് കൃഷി ഓഫീസർ വി.എൽ. പ്രഭ അറിയിച്ചു.
