സംരക്ഷിക്കുവാൻ ആരും ഇല്ലാതെ ചായിപ്പിൽ കിടന്ന വയോധികയ്ക്ക് സംരക്ഷണം ഒരുക്കി.
ആറ്റിങ്ങൽ മണ്ഡലത്തിലെ കിളിമാനൂർ ഗ്രാമപഞ്ചായത്ത് പരിധിയിൽ പെട്ട പുളിമ്പള്ളി കോണം പ്രദേശത്ത് കൗസല്യ എന്ന സ്ത്രീ ഉറ്റവരും ബന്ധുക്കളും ഇല്ലാതെ കഴിഞ്ഞ കുറച്ച് ആഴ്ചകളായി അലഞ്ഞു തിരിഞ്ഞ് നടക്കുകയായിരുന്നു. ഈ വിവരം പ്രദേശവാസികളിൽ ചിലർ ആറ്റിങ്ങൽ എംഎൽഎ ഒ.എസ്.അംബികയെയും, മുൻ ആരോഗ്യ വകുപ്പ് മന്ത്രി കെ കെ ഷൈലജ ടീച്ചറിനെയും ടെലിഫോണിൽ വിളിച്ച് അറിയിക്കുകയായിരുന്നു. വിവരമറിഞ്ഞ എംഎൽഎ സ്ഥലത്ത് എത്തി വയോധികയെ വെഞ്ഞാറമൂട് സ്നേഹ സ്പർശം എന്ന അഭയകേന്ദ്രത്തിലേക്ക് മാറ്റുന്നതിന് നടപടി സ്വീകരിക്കുകയായിരുന്നു.
