ആറ്റിങ്ങൽ: ജീവിതശൈലി രോഗനിവാരണ – ബോധവൽക്കരണ ക്ലാസ് നാളെ വൈകുന്നേരം 3 മണിയ്ക്ക് ആറ്റിങ്ങൽ ക്ലബ് ആഡിറ്റോറിയത്തിൽ വച്ച് സംഘടിപ്പിക്കുന്നു. കേരളത്തിലും മറു നാടുകളിലും പ്രവർത്തിച്ചു കൊണ്ടിരിക്കുന്ന ഹീൽ വിത്ത് നേച്ചർ എന്ന സംഘടനയുടെയും ഡോ. പ്രസാദ്സ് വെൽനെസ്സ് ഹബ്ബിന്റെയും സാരഥിയായ ഡോ. എം വി പ്രസാദ് എം ബി ബി എസ് ആണ് പഠന ക്ലാസ് നയിക്കുന്നത്.
പരിപാടിയിൽ ജീവിത ശൈലി രോഗങ്ങളായ പ്രമേഹം, പ്രെഷർ, കൊളസ്ട്രോൾ എന്നിവ മൂലം ബുദ്ധിമുട്ട് അനുഭവിക്കുന്നവർക്ക് അനുയോജ്യമായ പ്രതിരോധ മാർഗങ്ങളെക്കുറിച്ച് വിശദമായി അവലോകനം ചെയ്യും. ഈ ഗ്രൂപ്പിൽ ഉൾപ്പെടുന്ന അംഗങ്ങൾക്ക് സൂം മീറ്റിൽ കൂടി എല്ലാ ദിവസവും ഉപദേശങ്ങളും വ്യായാമ മുറകളുടെ പരിശീലനവും നൽകുന്നതായിരിക്കും.
