ഇടുക്കി: കുട്ടിക്കാനത്ത് അയ്യപ്പ ഭക്തരുടെ വാഹനം മറിഞ്ഞ് 15 പേര്ക്ക് പരിക്കേറ്റു. ആരുടെയും നില ഗുരുതരമല്ല. ഇന്ന് രാവിലെ പത്തുമണിയോടെയാണ് സംഭവം. തമിഴ്നാട് തിരുവണ്ണാമലയില് നിന്ന് ശബരിമലയിലേയ്ക്ക് പോയ വാഹനമാണ് അപകടത്തില്പ്പെട്ടത്. പരിക്കേറ്റ പതിനഞ്ച് പേരില് നാലുപേരെ പീരുമേട് താലൂക്ക് ആശുപത്രിയില് പ്രവേശിപ്പിച്ചു. മറ്റുള്ളവര്ക്ക് സ്വകാര്യ ആശുപത്രിയില് പ്രാഥമിക ചികിത്സ നല്കി. ആരുടെയും നില ഗുരുതരമല്ല. അമിത വേഗതയാകാം അപകടത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം. റോഡരികില് തന്നെയാണ് അപകടം സംഭവിച്ചത്.
