തോന്നയ്ക്കൽ മംഗലാപുരം അഡ്വ. സി മോഹനചന്ദ്രൻ കൾച്ചറൽ ഫോറം ചരമവാർഷികവും അനുസ്മരണ സമ്മേളവും സംഘടിപ്പിയ്ക്കുന്നു. ജൂലൈ 30, 31 തീയതികളിലാണ് പരിപാടികൾ നടക്കുക. സി. മോഹന ചന്ദ്രൻ 9 ആം ചരമവാർഷികം ജൂലൈ 30ന് സി. മോഹന ചന്ദ്രന്റെ ജന്മനാടായ മുരുക്കും പുഴയിൽ നടക്കും.
ജൂലൈ 31 നു വൈകുന്നേരം 5 മണിയ്ക്ക് മുരുക്കുംപുഴ ജംഗ്ഷനിൽ അനുസ്മരണ സമ്മേളനവും നടക്കും. പ്രതിപക്ഷ നേതാവ് വി. ഡി സതീശൻ ഉദ്ഘാടനം നിർവഹിയ്ക്കും. ചടങ്ങിൽ സുപ്രസിദ്ധ ചലച്ചിത്ര പിന്നണി ഗായകൻ ജി വേണുഗോപാലിന് ഈ വർഷത്തെ സി മോഹനചന്ദ്രൻ സ്മാരക പുരസ്കാരം സമ്മാനിയ്ക്കും. ഒപ്പം അടൂർ പ്രകാശ് എം പി യ്ക്ക് ആദരവും നൽകും. ചടങ്ങിൽ രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖർ പങ്കെടുക്കും.
