കാപ്പിൽ ഗവ.ഹയർ സെക്കന്ററി സ്കൂളിലെ 2022-23 അധ്യയന വർഷത്തെ സപ്തദിന സഹവാസ ക്യാമ്പ് ഡിസംബർ 26 മുതൽ 30 വരെ പാളയം കുന്ന് ഗവ.ഹയർ സെക്കന്ററി സ്കൂളിൽ വെച്ച് നടക്കുന്നു. ക്യാമ്പിന്റെ ഉദ്ഘാടനം വർക്കല എം എൽ എ അഡ്വ . വി ജോയി ഉദ്ഘാടനം ചെയ്തു. പ്രിൻസിപ്പൽ സി. ബീന സ്വാഗതം ആശംസിച്ചു. പി ടി.എ പ്രസിഡന്റ് ശൈലേഷ് കുമാർ അധ്യക്ഷത വഹിച്ച യോഗത്തിൽ പാളയംകുന്ന് എച്ച് എം സിനി, കാപ്പിൽ എച്ച് എം ബൃന്ദ, പി ഒ മാത്യു പി ടി, പാളയം കുന്ന് ഗവ ഹയർ സെക്കന്ററി പി.ടി.എ പ്രസിഡന്റ് സുനിൽ ജി.എസ്, എച്ച് എസ് എസ് കാപ്പിൽ സ്റ്റാഫ് സെക്രട്ടറി മായ, എച്ച് എസ് സ്റ്റാഫ് സെക്രട്ടറി മഞ്ജു സുനിൽകുമാർ, ഷീബ, രക്ഷിതാക്കൾ തുടങ്ങിയവർ പങ്കെടുത്തു.
