കൊച്ചി: കലക്ടർ എൻ എസ് കെ ഉമേഷിന്റെ ഔദ്യോഗിക കാറിനു വട്ടം വച്ച് വഴി മുടക്കിയ സ്വകാര്യ കാറിന്റെ ഡ്രൈവറുടെ ലൈസൻസ് സസ്പെൻഡ് ചെയ്തു. പടമുകൾ സ്വദേശി മുഹമ്മദ് റമീസിന്റെ ഡ്രൈവിങ് ലൈസൻസ് ആറ് മാസത്തേക്കാണ് സസ്പെൻഡ് ചെയ്തത്.
കഴിഞ്ഞ വ്യാഴാഴ്ച രാവിലെ 11 മണിക്ക് കലക്ടറേറ്റ് സിഗ്നൽ ജംഗ്ഷന് സമീപമാണ് കലക്ടറുടെ കാറിന് റമീസ് മനഃപൂർവം തടസ്സം സൃഷ്ടിച്ചത്. റമീസ് അമിത വേഗത്തിലും തെറ്റായ ദിശയിലും ആയിരുന്നെന്നും കണ്ടെത്തി. കലക്ടറേറ്റിൽ നിന്ന് അറിയിച്ചതനുസരിച്ച് ആർടിഒ ജി. അനന്തകൃഷ്ണൻ നോട്ടീസ് നൽകി റമീസിനെ വിളിച്ചുവരുത്തി. കുറ്റം സമ്മതിച്ച് മാപ്പപേക്ഷ നൽകിയതിനാൽ ലൈസൻസിന്റെ സ്പെൻഷൻ കാലാവധി കുറച്ചു.
