നാഷണൽ എയർ റൈഫിൾ ചാമ്പ്യൻഷിപ്പിൽ മെഡലുകൾ വാരിക്കൂട്ടി ലൗ ഡെയ്ൽ സ്കൂൾ

ആറ്റിങ്ങൽ: നാഷണൽ എയർ റൈഫിൾ ചാമ്പ്യൻഷിപ്പിൽ ലൗ ഡെയ്ൽ റെസിഡൻഷ്യൽ സ്കൂളിൽ നിന്നും പത്തു കുട്ടികൾ പങ്കെടുത്തു. നവംബർ 25 ആം തീയതി ചെന്നൈയിൽ വച്ചാണ് ചാമ്പ്യൻഷിപ്പ് നടന്നത്. പതിനാല് വയസിന് താഴെയുള്ള പെൺകുട്ടികളുടെ വിഭാഗത്തിൽ അലോഹ എസ്, ആദിത്യ ബി എസ് എന്നിവർ വെള്ളി മെഡലും ദിൽനഫാത്തിമ വെങ്കല മെഡലും കരസ്ഥമാക്കി. പതിനാല് വയസിന് താഴെയുള്ള ആൺകുട്ടികളുടെ ഗ്രൂപ്പ് വിഭാഗത്തിൽ കാർത്തിക് ഡെന്നിമോൻ, ശിവചേതസ്സ്, നവ് രത്ത് എന്നീ കുട്ടികൾ വെങ്കല മെഡലും നേടി.