മികച്ച ബാലനടനുള്ള സംസ്ഥാന ചലച്ചിത്ര അവാർഡ് നേടിയ നിരഞ്ജനെ മൂതല സാംസ്കാരിക വേദി ആദരിച്ചു. മൂതല ഗവൺമെൻറ് എൽ.പി സ്കൂളിന്റെ ബഹുനില മന്ദിര ഉദ്ഘാടനത്തോടനുബന്ധിച്ച് നടന്ന ചടങ്ങിൽ വെച്ച് സംസ്ഥാന തൊഴിൽ വിദ്യാഭ്യാസ വകുപ്പുമന്ത്രി വി.ശിവൻകുട്ടി നിരഞ്ജനെ അനുമോദിച്ചു. വരും നാളുകളിൽ സിനിമാ രംഗത്ത് കൂടുതൽ അവസരങ്ങൾ നിരഞ്ജനെ നേടിയെത്തട്ടെയെന്നും , കലാ രംഗത്ത് കൂടുതൽ പ്രൌഡിയോടെ ശോഭിക്കാൻ കഴിയട്ടെ എന്നും ശിവൻകുട്ടി ആശംസിച്ചു. ചലച്ചിത്ര അവാർഡ് വിവരം അറിഞ്ഞ ഉടനെ മന്ത്രി ഫോണിൽ വിളിച്ച് നിരഞ്ജനെ ആശംസകൾ അറിയിച്ചിരുന്നു. അഡ്വ: വി. ജോയി എം.എൽ.എ യുടെ അദ്യക്ഷതയിൽ നടന്ന ചടങ്ങിൽ പഞ്ചായത്ത് പ്രസിഡൻറ് ഹസീന ,വാർഡ് മെമ്പറും വികസന സ്റ്റാൻഡിഗ് കമ്മിറ്റി ചെയർപെഴ്സണും ആയ എസ്സ്.ഷീബ , സജീവ് ഹാഷിം, ബി.ദിലീപ് , ശ്യാം മൂതല സ്കൂൾ ഹെഡ്മാസ്റ്റർ മനോജ് ബി.കെ.നായർ എന്നിവരും ആശംസകൾ അറിയിച്ചു. സാംസ്കാരി വേദി ഏർപ്പെടുത്തിയിരുന്ന ഉപഹാരവും പതിനായിരം രൂപയുടെ ക്യാഷ് അവാർഡും ചടങ്ങിൽ വിദ്യാഭ്യാസമന്ത്രി നിരഞ്ജന് കൈമാറി .
പൊട്ടിച്ചിരിയും മാഞ്ഞു… നടൻ സലിം കുമാർ വിട വാങ്ങി
കൊച്ചി: നടൻ സലിം കുമാർ അന്തരിച്ചു. 56 വയസായിരുന്നു. അമൃത ആശുപത്രിയിൽ ചികിത്സയിലായിരുന്ന അദ്ദേഹത്തെ...
