വി. സാംബശിവൻ അനുസ്മരണവും കേരള സംഗീത നാടക അക്കാഡമി പുരസ്കാരം നേടിയ എസ്. നോവൽ രാജിന് സ്വീകരണവും സംഘടിപ്പിച്ചു. നഗരൂർ ജംഗ്ഷനിൽ ആണ് പരിപാടികൾ നടന്നത്. നഗരൂർഷാ അധ്യക്ഷത വഹിച്ച യോഗത്തിന്റെ ഉദ്ഘാടനം എം. എം പുരവൂർ നിർവഹിച്ചു. ചടങ്ങിൽ വസന്തകുമാർ സാംബശിവൻ മുഖ്യതിഥിയായി. ആറ്റിങ്ങല് നഗരസഭ മുന് അധ്യക്ഷന് സി.ജെ.രാജേഷ്കുമാര് സാംബശിവന് അനുസ്മരണപ്രഭാഷണം നടത്തി. എസ്.നോവൽരാജിനെ, വസന്തകുമാർ സാംബശിവനും മറ്റു അതിഥികളും പൊന്നാട അണിയിച്ച് ആദരിച്ചു. രണ്ടാമൂഴം എന്ന കഥയെ ആസ്പദമാക്കി നോവൽരാജ് കഥാപ്രസംഗവും നടത്തി. വൈകിട്ട് 5ന് സാംസ്കാരിക സദസ്സും നടന്നു. അനിൽ കെ.പിയും മറ്റു വിശിഷ്ടാതിഥികളും ചടങ്ങിൽ പങ്കെടുത്തു.
