2023 ഡിസംബർ 21 ന് നടക്കുന്ന ആറ്റിങ്ങൽ നിയോജക മണ്ഡലം തല നവകേരള സദസിന്റെ പ്രചരണാർത്ഥം ക്രിക്കറ്റ് ടൂർണമെന്റ് സംഘടിപ്പിച്ചു. ആറ്റിങ്ങൽ ഗവൺമെന്റ് കോളേജ് ഗ്രൗണ്ടിൽ സംഘടിപ്പിച്ച ടൂർണമെന്റിന്റെ ഉദ്ഘാടനം ആറ്റിങ്ങൽ എംഎൽഎ ഒ. എസ് അംബിക നിർവഹിച്ചു. ആറ്റിങ്ങൽ മുൻസിപ്പാലിറ്റി ഒന്നാം സ്ഥാനവും ചെറുന്നിയൂർ ഗ്രാമപഞ്ചായത്ത് രണ്ടാം സ്ഥാനവും നേടി. ചെറുന്നിയൂർ ഗ്രാമ പഞ്ചായത്തിലെ അനന്തുവിനെ ബെസ്റ്റ് ബാറ്റ്സ്മാനായും, ബെസ്റ്റ് ബോളറായി ആറ്റിങ്ങൽ മുനിസിപ്പാലിറ്റിയിലെ ആരോമലിനെയും, പ്ലെയർ ഓഫ് ദി ടൂർണമെന്റ് ആയി ആറ്റിങ്ങൽ മുൻസിപ്പാലിറ്റിയിലെ അനന്തുവിനെയും തിരഞ്ഞെടുത്തു.
