വർക്കലയിൽ ഒരാഴ്ചയോളം പഴക്കമുള്ള മൃതദേഹം കണ്ടെത്തി

വർക്കലയിൽ ഒരാഴ്ചയോളം പഴക്കമുള്ള മൃതദേഹം കണ്ടെത്തി. ഇടവ
വെൺകുളം തിരുവാതിരയിൽ വിജിൻ (42) ആണ് മരിച്ചത്. വിജിന്റെ വീട്ടിലെ ഏകദേശം 15 അടി താഴ്ചയും ഏഴ് അടി വെള്ളവുമുള്ള കിണറ്റിലാണ് ഇന്നലെ രാത്രി 9 മണിയോടെ മൃതദേഹം കണ്ടെത്തിയത്.

വിജിൻ ഒറ്റക്കായിരുന്നു താമസമെന്നും പാർക്കിൻസൺസ് രോഗ ബാധിതയായ മാതാവ് ബന്ധുവീട്ടിൽ ആയിരുന്നുവെന്നാണ് പൊലീസ് പറയുന്നത്. പ്രദേശത്തു ദുർഗന്ധം വമിച്ചതിനെ തുടർന്ന് നാട്ടുകാർ പൊലീസിൽ അറിയിക്കുകയും തുടർന്ന് നടന്ന പരിശോധനയിൽ കിണറ്റിൽ മൃതദേഹം കണ്ടെത്തുകയുമായിരുന്നു. വർക്കല ഫയർ ഫോഴ്സ് എത്തി. അഗ്നിരക്ഷാസേനാംഗമായ ഭഗത് കിണറ്റിലിറങ്ങി ഹോസ് റോപ്പിന്റെ സഹായത്തോടെ മൃതദേഹം പുറത്തെടുത്തു. അയിരൂർ പൊലീസ് തുടർനടപടികൾ സ്വീകരിച്ചു.