വെമ്പായം: പ്രഭാത സവാരിക്കിറങ്ങി കാണാതായ വെമ്പായം നെടുവേലി സ്വദേശി സജീവ് (47) നെയാണ് വീടിനു സമീപത്തെ റബ്ബർ തോട്ടത്തിൽ മരിച്ച നിലയിൽ കണ്ടെത്തിയത്. പതിവു സമയത്തും സജീവ് വീട്ടിലെത്താത്തതിനെ തുടർന്നാണ് ബന്ധുക്കളും നാട്ടുകാരും തെരച്ചിൽ നടത്തിയത്. പത്തു മണിയോടെ വീടിനു സമീപത്തെ റബ്ബർ കുഴിയിലാണ് മൃതദേഹം കണ്ടെത്തിയത്.
കഴുത്തിൽ വയറിംഗിനുപയോഗിക്കുന്ന നിരവധി റ്റാഗുകൾ ചുറ്റിയിരുന്നു. കണ്ണാടി വച്ച നിലയിൽ മലർന്നാണ് മൃതദേഹം കിടന്നിരുന്നത്. ഇയാളുടെ ഫോൺ കണ്ടെത്തിയിട്ടില്ല. കൊലപാതകമാണെന്ന നിഗമനത്തിൽ പോലീസ് അന്വേഷണമാരംഭിച്ചു. ടൈൽ കമ്പനിയിൽ ജനറൽ മാനേജരായി ജോലി ചെയ്യുകയായിരുന്നു സജീവ്.
ഡോഗ് സ്ക്വാഡും ഫോറൻസിക് വിദഗ്ദരും സ്ഥലത്തെത്തി പരിശോധന നടത്തി. റൂറൽ എസ്പിയുടെ നേതൃത്വത്തിൽ നെടുമങ്ങാട് – ആറ്റിങ്ങൽ Dysp മാരടങ്ങുന്ന സംഘമാണ് അന്വേഷണം നടത്തുന്നത്.
