ആറ്റിങ്ങൽ: ഓണക്കാലത്ത് കേരളത്തിന് കേന്ദ്ര സർക്കാർ അരി നിഷേധിച്ചതിൽ പ്രതിഷേധിച്ച് കേരള കർഷകതൊഴിലാളി യൂണിയൻ ആറ്റിങ്ങൽ ഏരിയാ കമ്മിറ്റിയുടെ ആഭിമുഖ്യത്തിൽ ചിറയിൻകീഴ് ശാർക്കര ജംഗ്ഷനിൽ നടത്തിയ ധർണ്ണ കർഷകതൊഴിലാളി യൂണിയൻ സംസ്ഥാന കമ്മിറ്റി അംഗം ബി.പി മുരളി ഉദ്ഘാടനം ചെയ്തു.
ഏര്യാ പ്രസിഡൻ്റ് സി.എസ് അജയകുമാർ അധ്യക്ഷത വഹിച്ചു. ഏരിയാ സെക്രട്ടറി ആർ രാജു, സി.പി.ഐ.എം ഏരിയാ കമ്മിറ്റി അംഗങ്ങളായ ജി വ്യാസൻ, പി മണികണ്ഠൻ, ചിറയിൻകീഴ് ലോക്കൽകമ്മിറ്റി സെക്രട്ടറി വി സുഭാഷ്, കെ.എസ്.കെ.റ്റി.യു ജില്ലാ കമ്മിറ്റി അംഗം വിജു കുമാർ, ഏരിയാ ജോയിൻ്റ് സെക്രട്ടറി എസ് സതീഷ് കുമാർ, ഏരിയാ കമ്മിറ്റി അംഗം സി. രവിചന്ദ്രൻ എന്നിവർ സംസാരിച്ചു.
