തൃശൂര്: വിഖ്യാത ജന്തുശാസ്ത്രജ്ഞനും പീച്ചി വന ഗവേഷണ ഇന്സ്റ്റിറ്റ്യൂട്ട് മുന് ഡയറക്ടറുമായ ഡോ. കെ സദാശിവന് നായര് അന്തരിച്ചു. 87 വയസ്സായിരുന്നു. സംസ്കാരം നാളെ വൈകീട്ട് അഞ്ചിന് തൈക്കാട് ശാന്തികവാടത്തില് നടക്കും.
കാനഡയിലെ പ്രശസ്തമായ ഗുൾഫ് യൂണിവേഴ്സിറ്റിയില് എന്വയോണ്മെന്റല് ബയോളജി വിഭാഗം അധ്യാപകനായിരുന്നു. ഡോ. കെ സദാശിവന് നായര് 1976 ലാണ് കെഎഫ്ആര്ഐയില് ജോലിയില് പ്രവേശിക്കുന്നത്.
കേരള വന ഗവേഷണ ഇന്സ്റ്റിറ്റ്യൂട്ട് എന്റമോളജി വിഭാഗം മേധാവിയായും പ്രവര്ത്തിച്ചിട്ടുണ്ട്. ഇന്റര്നാഷണല് യൂണിയന് ഫോര് ഫോറസ്റ്റ് റിസര്ച്ച് ഓര്ഗനൈസേഷന്റെ ചെയര്മാനായി ഇന്ത്യയില് നിന്നും തെരഞ്ഞെടുക്കപ്പെട്ടിട്ടുണ്ട്.
