കൊടുമൺ യൂണിറ്റ് സെക്രട്ടറിയും ഡിവൈഎഫ്ഐ ആറ്റിങ്ങൽ വെസ്റ്റ് മേഖല കമ്മിറ്റി അംഗവുമായ സന്ദീപിനെ ആക്രമിച്ചതിൽ പ്രതിഷേധിച്ച് ഡിവൈഎഫ്ഐ ആറ്റിങ്ങൽ വെസ്റ്റ് മേഖല കമ്മിറ്റി പ്രതിഷേധ പ്രകടനം നടത്തി. ആക്രമണം നടത്തിയത് യൂത്ത് കോൺഗ്രസ് പ്രവർത്തകരാണെന്നാരോപിച്ചായിരുന്നു പ്രതിഷേധം. ഡിവൈഎഫ്ഐ ആറ്റിങ്ങൽ ബ്ലോക്ക് സെക്രട്ടറി വിഷ്ണു ചന്ദ്രൻ പ്രതിഷേധ പ്രകടനം ഉദ്ഘാടനം ചെയ്തു. ബ്ലോക്ക് ജോയിന്റ് സെക്രട്ടറി സംഗീത്, ബ്ലോക്ക് കമ്മിറ്റി അംഗം അജിൻപ്രഭ, വെസ്റ്റ് മേഖല സെക്രട്ടറി സുഖിൽ പ്രസിഡന്റ് പ്രശാന്ത് മങ്കാട്ടു, ട്രഷറർ സുജിൻ തുടങ്ങിയവർ നേതൃത്വം നൽകി.
