തിരുവനന്തപുരം: തിരുവനന്തപുരം നഗരസഭയിൽ ഉള്ളൂർ വാർഡിലും സിപിഎമ്മിന് വിമതൻ. സിപിഐഎം ഉള്ളൂര് ലോക്കല് കമ്മിറ്റി അംഗം കെ ശ്രീകണ്ഠന് താന് സ്വതന്ത്രനായി മത്സരിക്കുമെന്ന് പ്രഖ്യാപിച്ചു. ഉള്ളൂരിലാണ് ശ്രീകണ്ഠൻ മത്സരിക്കുക.
ദേശാഭിമാനി മുന് ബ്യൂറോ ചീഫാണ് ശ്രീകണ്ഠന്. കടകംപള്ളി സുരേന്ദ്രന് തന്നെ പറഞ്ഞു പറ്റിച്ചെന്ന് ശ്രീകണ്ഠന് ആരോപിച്ചു. തിരുവനന്തപുരത്ത് സിപിഎമ്മിന് വെല്ലുവിളിയായി നിരവധി പേരാണ് വിമതരായി മത്സരിക്കുന്നത്. സംഭവത്തിൽ പ്രതികരണവുമായി മന്ത്രി വി ശിവൻകുട്ടി രംഗത്തെത്തി. വലിയ രാഷ്ട്രീയപാര്ട്ടികള് ആകുമ്പോള് ഇത്തരം ചില അപശബ്ദങ്ങള് ഉണ്ടാകുമെന്നായിരുന്നു മന്ത്രി വി ശിവന്കുട്ടിയുടെ പ്രതികരണം.
