കൊച്ചി: മൂവാറ്റുപുഴ പേഴക്കാപ്പിള്ളിയില് ഷോക്കേറ്റ് പതിനൊന്നുവയസുകാരന് മരിച്ചു. ഇതരസംസ്ഥാന തൊഴിലാളിയുടെ മകന് റാബുല് ഹുസൈനാണ് മരിച്ചത്. ആക്രിസാധനങ്ങള് ശേഖരിക്കുന്നതിനിടെ പൊട്ടിവീണ വൈദ്യുതി കമ്പിയില് നിന്നും ഷോക്കേറ്റാണ് അപകടം ഉണ്ടായത്. രാവിലെ പതിനൊന്നുമണിയോട ഇതരസംസ്ഥാന തൊഴിലാളിയും കുടുംബവും പേഴക്കാപ്പിള്ളിയിലെ ഒരു ജാതി തോട്ടത്തില് നിന്ന് ആക്രി സാധനങ്ങള് പെറുക്കുകയായിരുന്നു. അതിനിടെ നിലത്ത് വീണ് കിടക്കുന്ന കമ്പി കണ്ട് അതെടുക്കാന് ശ്രമിച്ചപ്പോള് ഷോക്കേല്ക്കുകയായിരുന്നു. കരച്ചില് കേട്ട് എത്തിയ നാട്ടുകാരാണ് വൈദ്യുതി കമ്പിയില് നിന്ന് കുട്ടിയെ തട്ടിത്തെറിപ്പിച്ചത്.
ഉടന് തന്നെ റാബുലിനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. അപകടത്തില് സഹോദരനും പരിക്കേറ്റിട്ടുണ്ട്. സഹോദരന് അപകടനില തരണം ചെയ്തിട്ടുണ്ട്.
തിരു.വിമാനത്താവളത്തിൽ 5.8 കിലോ ഹൈബ്രിഡ് കഞ്ചാവ്; രണ്ട് മ്യാൻമർ സ്വദേശികൾ പിടിയിൽ
തിരുവനന്തപുരം: തിരുവനന്തപുരം രാജ്യാന്തര വിമാനത്താവളത്തിൽ നടത്തിയ പരിശോധനയിൽ 5.8 കിലോ ഹൈബ്രിഡ്...
