വിതുര ബോണക്കാട് കാട്ടാനയുടെ ആക്രമണം രണ്ട് പേർക്ക് പരിക്ക്

വിതുര ബോണക്കാട് കാട്ടാനയുടെ ആക്രമണത്തിൽ രണ്ട് പേർക്ക് പരിക്ക്. വിതുര സ്വദേശികളായ മഹേഷ് (42), പ്രിൻസ് (36) എന്നിവർക്കാണ് പരിക്ക് പറ്റിയത്.
പ്രിൻസിന്റെ വീട്ടുപണിയ്ക് വന്ന മഹേഷ് ജോലി കഴിഞ്ഞ് തിരികെ ബോണക്കാട് നിന്നും വിതുരയിലേക്ക് ബൈക്കിൽ വരുന്ന വഴിയിൽ വളവിൽ വച്ച് കാട്ടാന നിൽക്കുന്നത് കണ്ടു.
ഇവരെ കണ്ടപ്പോൾ കാട്ടാന അടുത്തു വന്ന് ബൈക്ക് എടുത്ത് തിരിച്ച് പോകുന്ന വേളയിൽ പുറകിൽ ഇരുന്ന മഹേഷിനെ തുമ്പികൈ അടിച്ചു. ആ സമയത്ത് പ്രിൻസും ബൈക്കും വീണു. മഹേഷും പ്രിൻസും ഓടി രക്ഷപ്പെട്ടു. ആ സമയത്ത് കാട്ടാന ബൈക്കിനെ തകർത്ത ശേഷം കാട്ടിലേക്ക് കയറി. കുറച്ച് കഴിഞ്ഞ് അതു വഴി വന്ന വാഹനത്തിൽ
കയറി വിതുര താലൂക്കാശുപത്രിയിൽ എത്തി. പ്രാഥമിക ചികിത്സ ശേഷം മഹേഷിനെ 108-ൽ മെഡിക്കൽ കോളേജ് ആശുപത്രിയിൽ കൊണ്ടുപോയി. മഹേഷിന്റെ വാരിയെല്ലിനാണ് സൈഡിൽ അടി കിട്ടിയത്. പ്രിൻസിന്റെ കൈയ്ക്കും നെഞ്ചിനും പരിക്കുണ്ട്.