മുംബൈ: ആരോഗ്യനില മോശമെന്ന വാര്ത്തകള് തള്ളി ബോളിവുഡ് താരം അമിതാഭ് ബച്ചന്. ബച്ചന് ആശുപത്രിയിലാണെന്നും കാലിലെ രക്തക്കുഴലുകളിലെ തടസം നീക്കുന്നതിനായി അടിയന്തിര ശസ്ത്രക്രിയയ്ക്ക് വിധേയനാക്കിയെന്നുമാണ് കഴിഞ്ഞ ദിവസം വാര്ത്തകള് പ്രചരിച്ചത്.
വാര്ത്തകള് വന്ന് മണിക്കൂറുകള്ക്ക് ശേഷം ബച്ചന് ഐഎസ്പിഎല് ഫൈനല് മത്സരം വീക്ഷിക്കാനായി മുബൈയിലെ സ്റ്റേഡിയത്തിലേക്കെത്തുന്ന വിഡിയോ പുറത്തുവന്നിരുന്നു. ആള്ക്കൂട്ടത്തില് നിന്ന് ഒരു ആരാധകന് താരത്തോട് ആരോഗ്യ വിവരങ്ങള് തിരക്കിയപ്പോള് ബച്ചന് ‘വ്യാജ വാര്ത്ത’ എന്ന് മറുപടി നല്കുന്നതായാണ് വിഡിയോയില് കാണാനാവുന്നത്. മകന് അഭിഷേക് ബച്ചന്റെ കൂടെയാണ് അമിതാബ് ബച്ചന് മത്സരം കാണാനെത്തിയത്.
