കൊച്ചി: എറണാകുളം വൈപ്പിനില് കപ്പലിന് തീപിടിച്ചു. കൊച്ചി വൈപ്പിനിലെ സ്വകാര്യ ഷിപ്പ് യാര്ഡില് അറ്റകുറ്റപ്പണിക്ക് എത്തിച്ച വിദേശ കപ്പലിനാണ് തീപിടിച്ചത്.
വൈപ്പിന് കാളമുക്കിലെ സ്വകാര്യ ഷിപ്പ് യാര്ഡിലാണ് സംഭവം. പുലര്ച്ചെ കപ്പലിന്റെ മുകള്ഭാഗത്തു നിന്നും തീ ഉയരുന്നത് മത്സ്യത്തൊഴിലാളികളുടെ ശ്രദ്ധയില്പ്പെട്ടത്. ഉടന് തന്നെ വിവരം അധികൃതരെ അറിയിച്ചു.കപ്പലിന്റെ മുകള് ഭാഗത്ത് തീ വ്യാപിച്ചതായാണ് റിപ്പോര്ട്ട്. എന്താണ് തീപിടിത്തത്തിന് കാരണമെന്ന് വ്യക്തമല്ല.
