ശ്രീ ഗണേശോത്സവ സന്ദേശപ്രയാണം തൃച്ചന്തൂരിൽ നിന്ന് ആരംഭിക്കും

തിരുവനന്തപുരം: ആറ്റിങ്ങൽ ശ്രീ ഗണേശോത്സവ ടെമ്പിൾ ട്രസ്റ്റിന്റെയും ശ്രീഗണേശ സമിതിയുടെയുംനേതൃത്വത്തിലുള്ള ഗണേശോത്സവം 2024ഭാഗമായി ഗണേശോത്സവ സന്ദേശ പ്രയാണം തമിഴ്നാട് തൃച്ചെന്തൂർ മുരുകക്ഷേത്രത്തിൽ നിന്ന് ഏഴാം തീയതി ആരംഭിക്കും. ജൂലൈ ഏഴാം തീയതി ഞായറാഴ്ച രാവിലെ 10. 30 തൃച്ചന്തൂർ മുരുക ക്ഷേത്രത്തിൽ നിന്ന് പൂജിച്ച ഗണേശ വിഗ്രഹം ഗണേശഉത്സവ ടെമ്പിൾ ട്രസ്റ്റ് ചെയർമാൻ വക്കം അജിത്തിന് ഹിന്ദു മുന്നണി തമിഴ്നാട് സംസ്ഥാന ഘടകം ജനറൽ സെക്രട്ടറി ഡോ. അരശു മണി കൈമാറി ഉദ്ഘാടനം നിർവഹിക്കും. സെപ്റ്റംബറിൽ നടക്കുന്ന ഗണേശോത്സവത്തിന്റെ ഭാഗമായി 1008 പൂജാകേന്ദ്രങ്ങളിൽ വിഗ്രഹപ്രയാണം നടത്തും.