മല്ലികാര്ജുന് ഖാര്ഗെയെ പിന്നിലാക്കി ഒരുവട്ടം മുഖ്യമന്ത്രിയായ സിദ്ധരാമയ്യ, ഖാര്ഗെയുടെ അനുഗ്രഹത്തോടെ വീണ്ടും മുഖ്യമന്ത്രി സ്ഥാനത്തെത്തുമോ? കര്ണാടകയില് തിളങ്ങുന്ന ജയത്തോടെ കോണ്ഗ്രസ് അധികാരത്തിലേക്കു കുതിക്കുമ്പോള് കൗതുകത്തോടെ ഉയരുന്ന ചോദ്യങ്ങളിലൊന്ന് അതാണ്. സോഷ്യലിസ്റ്റ് രാഷ്ട്രീയധാരയില്നിന്നു കോണ്ഗ്രസില് എത്തി ഏഴാം വര്ഷമായിരുന്നു, മുഖ്യമന്ത്രിപദം എന്ന സ്വപ്നത്തിലേക്കു സിദ്ധരാമയ്യ കൈയെത്തിപ്പിടിച്ചത്. അന്ന് കേന്ദ്രമന്ത്രിയായിരുന്ന മല്ലികാര്ജുന ഖാര്ഗെയായിരുന്നു, അതിനു വിഘാതമാവുമെന്നു തോന്നിച്ചയാള്. ഹൈക്കമാന്ഡിന്റെ പിന്തുണയുണ്ടായിട്ടും നിയസഭാകക്ഷിയില് നിദ്ധുവിനെ ജയിക്കാന് ഖാര്ഗെയ്ക്കായില്ല. അങ്ങനെ 2013 മുതല് 2018വരെ സിദ്ധരാമയ്യ കര്ണാകയുടെ മുഖ്യമന്ത്രിയായി.
