വെഞ്ഞാറമൂട്: പൊൻമുടിക്ക് ഒരു കൈത്താങ്ങ് പദ്ധതിയിൽ വെഞ്ഞാറമൂട് ഗവൺമെൻ്റ് ഹയർ സെക്കൻ്ററി സ്കൂളിലെ എൻ.എസ്.എസ് യുണിറ്റ് ശേഖരിച്ച ഭക്ഷ്യ ധാന്യ കിറ്റുകൾ കൈമാറി. മാസങ്ങളായി തുടരുന്ന മഴയും കോവിഡ് മഹാമാരി ഏൽപ്പിച്ച ആഘാതം മൂലം പൊൻമുടിയിൽ ദുരിതം അനുഭവിക്കുന്ന തോട്ടം തൊഴിലാളികൾക്ക് സഹായഹസ്തവുമായാണ് എൻ.എസ്.എസ് വോളണ്ടിയേഴ്സ് രംഗത്ത് എത്തിയത്.
സ്കൂൾ അങ്കണത്തിൽ നടന്ന ലളിതമായ ചടങ്ങിൽ എൻ.എസ്.എസ് പ്രോഗ്രാം ഓഫീസർ എസ്.അഭിലാഷ് പ്രിൻസിപ്പൽ ഇൻ ചാർജ് ബിനാകുമാരി, മറ്റ് അധ്യാപകർ , എൻ.എസ്.എസ് വോളണ്ടിയേഴ്സ് തുടങ്ങിയവർ പങ്കെടുത്തു.
