ശവസംസ്കാരത്തിന് ഭൂമിയില്ലാത്തത്തിനെതുടർന്ന് ദുഃഖത്തിലായ കുടുംബത്തിന്റെ കണ്ണീരൊപ്പി ആറ്റിങ്ങൽ നഗരസഭ കൗൺസിലർ. ആറ്റിങ്ങൽ നഗരസഭ വാർഡ് അഞ്ച് (കരിച്ചിയിൽ) അമ്പാടി നിവാസിൽ ഗോമതി (85) ന്റെ മൃതദേഹം മറവ് ചെയ്യുവാൻ സ്ഥലം ഇല്ലാത്തതിനെ തുടർന്ന് ബന്ധുക്കൾ വിഷമത്തിലായത്തോടെയാണ്, സ്ഥലത്തെ സാമൂഹ്യ പ്രവർത്തകനും വാർഡ് കൗൺസിലറും കൂടിയായ ജീവൻലാൽ തന്റെ ഉടമസ്ഥതയിലുള്ള സ്ഥലം ശവസംസ്കാരം ചടങ്ങുകൾക്കായി വിട്ടുനൽകി മാതൃകകാട്ടിയത്.
കഷ്ടിച്ച് മൂന്ന് സെന്ററിൽ താഴെയുള്ള ഭൂമിൽ ഒരു കൂരമാത്രം സ്വന്തമായുള്ള ഗോമതി അമ്മയുടെ മൃതദേഹം മറവ്ചെയ്യുവാനുള്ള ഭൂമി ഇല്ലാതിരുന്നത് മരണമറിഞ്ഞെത്തിയ സമീപവാസികളിൽ കണ്ണീരണിയിച്ചിരുന്നു. തുടർന്നാണ് ബന്ധുക്കളും നാട്ടുകാരും വിവരം കൗൺസിലർ ജീവൻലാലിനെ അറിയിക്കുകയായിരുന്നു. ജീവൻലാൽ ആറ്റിങ്ങൽ നഗരസഭ ബിജെപി കൗൺസിലറാണ്.
